深圳灣口岸地鐵站試運｜5分鐘直達南山「萬象天地」？

深圳灣口岸一向都比較少人過關，事關深圳灣唔似得羅湖同福田口岸，一出關口就有地鐵站，不過好快就要變啦！深圳地鐵13號線已經完成驗收，13號線當中就有「深圳灣口岸站」。而現時會有最少3個月嘅不載客試行測試，所以2024年底就有望正式通車啦！

深圳地鐵13號線有咩特別？

1）據報深圳地鐵13號線全部為地下線路，所以日常行駛更穩定，惡劣天氣下依然可以正常運行，故障機會自然更低，市民乘搭更方便。2）深圳地鐵13號線全採用自動駕駛列車為8節編組，最高時速達100公里。速度更快下，通行時間更短。3）深圳地鐵13號線連接多條深圳主要線路，前往羅湖、福田、光明區需時更短。

由深圳灣口岸搭13號線去到邊度？

由「深圳灣口岸站」出發，可以接駁到11號線「后海站」；2號線「科苑站；9號線「粵海門站」；1號線「高新園站」；5號線「留仙洞」站；以及6號線「留仙洞站」。1、2號線的重要性不言而喻，好多深圳商場同景點都喺晒1、2號線，包括皇庭廣場、卓悦中心、CoCoPark、東門老街、華強北等；而13號線本身的高新園站亦有萬象天地等商場，以後不再需要乘搭穿梭巴士或打車。