深圳新商場大運天地！日式Outlet設計，超大人工湖＋公園

呢個大運天地呢，真係唔可以當佢係商場咁行，真係覺得有啲中伏，究竟係點嘅一回事呢，即刻去片！

今日由羅湖口岸出發，搭地鐵轉左幾次車到大運中心站C出口呢，一出站轉左呢，就係深圳龍崗區全新商場大運天地架啦！

咁先睇下大運天地嘅地圖先啦，成個大運天地可以其實都幾大嘅，有別於一般商場格局，這裏採用日式outlet嘅開放式設計， 除咗商場之外， 仲有人工湖、體育館，游泳池等等嘅嘅設施。

咁我地由入口行入去體育場呢一個著名嘅地標，咁影相打卡都幾靚嘅，而左手邊同右手邊開始呢，就係一啲商鋪、茶飲店同食肆啦。詳細就可以睇下呢個表啦，當中包括有大家都好熟悉嘅Muji、Uniqlo啦、Champion、Columbia、New Balance，同埋一啲比較特色嘅食肆等等。 如果大家想知道呢個商場有啲乜嘢港人優惠嘅話， 就記得下載我哋處處行嘅app 慢慢睇啦！

延伸閱讀： 深圳商場港人優惠

去到上面果層呢，呢個設計都幾特別，行人通道係特別窄，但係望出去呢，就有啲夏威夷渡假Feel，感覺又真係幾Chill嘅！

好啦，講左咁耐，咁呢度除左行街之外，究竟有咩特別呢？重點嚟啦，就係呢度嘅綠化係做得特別多、特別大，又完全無任何異味，真係可以話鳥語花香、人間天堂，仲有人係度釣魚添嘅，咁行嘅時候呢，身心的確係幾舒暢嘅，只可惜今日天公不做美，行行下就落雨啦！

而且行到咁上下呢，仲見到可以玩一啲唔係太過常見嘅設施同室內運動，玩下水、騎下馬，加上咁優美嘅環境，咁呢個大運天地入面嘅野，好明顯就真係唔係普通商場可以見得到嘅，成個體驗都幾fresh、幾特別嘅～

不過有一點就要提一提大家啦，佢成個大運天地，係一個開放式嘅設計嚟嘅，如果你唔入一啲商鋪行呢，你係嘆唔到冷氣嘅，咁所以夏天行嘅時候就有機會好似行山咁，出曬汗；而冬天嚟嘅時候就應該會比較凍啦。

仲有，可以見到呢，佢話就話正式開幕，但係其實一啲地方係仲未整好，仲未開放嘅，，可能秋天嘅時候再嚟呢，無論係個天氣，還是係啲設施，個體驗都會更加之好嘅~

好，咁今次條片就差唔多啦，如果你想睇到更多大灣區捐O捐罅嘅好地方同資訊，就要記得訂閱我地嘅YouTube Channel同留意我地Trip Trip Go 處處行嘅網站啦，幫您揾到至荀酒店優惠～記得唔好錯過啦！