深圳巨型新商場「萬豐海岸城」20萬平方米｜300多個品牌進駐！

深圳寶安區20萬平方米新商場「萬豐海岸城」有300多個品牌進駐，一躍成為深圳新地標之一！當中有好多深圳商場都非常罕見嘅餐飲娛樂場所，又有Fendi等國際名牌，商場內仲有多個影相打卡熱點，實在相當吸引！即使商場唔太靠近口岸，但依然無礙港人相繼前往！

深圳寶安新商場「萬豐海岸城」內有咩玩？

1）「炫次方」電玩城你又去過未？冒險樂園就去得多，「炫次方」入面嘅面積更大，有更多遊戲機，而且價錢更平更扺玩，¥198起就有400個遊戲幣，獎品仲更優質同豐富添！2）「全息動物園」用VR等高科技身臨其境了解恐龍、不同動物的生活習性。3）特大「玩具反斗城」內有LEGO專櫃，賣各種模型車等玩具產品。

點去「萬豐海岸城」？附近有咩好玩？

「萬豐海岸城」靠近深圳地鐵11號線「馬安山站」C出口。如由深圳灣口岸出發，可以搭滴滴到11號線「后海站」然後乘搭地鐵到「馬安山站」；如由羅湖或福田口岸出發，就可以到「市民中心站」轉乘11號線到「馬安山站」。「馬安山站」附近還有大鐘山公園、萬豐湖濕地公園、立新湖公園等景點。